الاغتسال من الحيض - الدورة الشهرية

اهلا و سهلا حبيباتى 

اليوم كتبت لكم موضوع مهم جدا هو الاغتسال من الحيض / الدورة الشهرية و علمياً بيتقال عنها الدورة الشهرية و شرعاً فى كتب الفقه بيتقال عنها الحيض 

وكلنا عارفين انها دورة بالجسم كل 28 يوم .. و شرعاً رب العالمين امرنا اثناء الحيض نمتنع عن الصلاة و الصيام و العلاقة الحميمة مع الزوج لحتى الطهور يعنى توقف سائل الحيض, و من رحمته سبحانه و تعالى اننا نقضى الصوم و لا نقضى الصلاة ..

الاغتسال من الحيض - الدورة الشهرية 

بالنسبة للاغتسال من الحيض :

- اولاً : اهتمى جدا بنظافة جسمك و مكان عفتك / منطقة البيكينى طول فترة الحيض و استخدمى ماء فاتر و قليل جدا من بيكربونات الصوديم لانها تعتبر غسول جيد و غير مكلف .

- ثانياً : لتتأكدى ان الحيض انتهى اصبرى لحتى يتوقف السائل و تبدأ افرزات جسمك الطبيعية و اللى لونها شفاف و غالباً بيكون وقت الحيض اسبوع لــ 10 ايام على الاكثر .

- ثالثاً : بمجرد خروج افرزات جسمك الطبيعية و دى رحمة من ربنا لان لولا هذة الافرزات لكان مكان عفتك عرضة للجفاف و الالتهاب ابدأى فى الاغتسال.

-رابعاً : بنصحك تزيلى الشعيرات الزائدة بجسمك و بالذات مكان عفتك / منطقة البيكينى سواء بالسويت وهى الطريقة المعتادة و صحية جدا لانها بتفتح الجلد و بتزيل الجلد الميت او استخدمى براون اللى بتزيل الشعيرات من الجذور,  ازالة الشعيرات بعد الحيض مهمة جدا لانها بتحمى جسمك من اى ميكروبات و بوجه عام ضرورى تهتمى بازالة الشعيرات الزائدة بأستمرار.

الاغتسال من الحيض - الدورة الشهرية 

- خامساً: مراحل الاغتسال كالاتى 

* خدى حمامك المعتاد و اغسلى شعرك بالشامبو و البسلم و استخدمى الشاور لجسمك .

الاغتسال من الحيض - الدورة الشهرية 

* بعد ما تشطفى جسمك كله ابدأى بالاغتسال الشرعى و هو انك تسمى الله فى سرك و تشطفى مكان عفتك/ منطقة البيكينى 3 مرات .

* تقفى تحت الدوش وتغسلى شعرك بالماء فقط ثلاث مرات 

* وبعدين تقفى بجانبك اليمين و تغسليه بالماء 3 مرات ثم اليسار و تغسليه 3 مرات و انتى بتقولى الشهادة فى سرك و تقولى اللهم اجعلنى من التوابين و اجعلنى من المطهرين.

سادساً : انتى كدة انتهيتى من الاغتسال اتوضى وضؤك للصلاة و صلى فروضك و الله يتقبل يارب, و كملى حياتك الطبيعية مع زوجك .. 

الاغتسال من الحيض - الدورة الشهرية 

و الله يصلح حال الجميع .. يارب اكون افدتكم :)