استخدامات فرش المكياج - العناية بالبشرة

اختيار فرش المكياج السليمة من اهم طرق العناية بالبشرة 

و النهاردة هنعرف مع بعض استخدامات فرش المكياج

1- فرشه البودر : 

دى أكبر فرشه فيهم وأنمهم و فيها شعر كتير و بيتفرد بسهوله وت حسى كأنه حرير على بشرتك وطبعا لازم تكون كده علشان تاخد البودر و تفرده معاكى كويس

فى منها شكلين الطويلة زى الصوره و القصيره و دى مصممه علشان تبقى فى شنطتك وفى منها نوع بيبقى شبه القلم بيتلف تظهر الفرشه أو تختفى .

2- فرشه أحمر الخدود

و هى فرش مصغره من فرشه البودر و فى منها نوعين : 

واحده شبه بتاعه البودر بالظبط بس على أصغر للخدود من أدام

واحده واخده زاويه علشان تحديد زاويه الخد للناس الى مبيعرفوش يستخدموا بلاشر أوى

3- فرش كريم الأساس

و هى فرشه مش كبيره صغيره بستخدمها لتنقيط و توزيع كريم الأساس على البشره و دى بتكون كلها من فوق أستواء واحد مفيهاش شعر طالع ونازل علشان تخلينى أعرف أخد المكياج كويس

4\5 - فرشه الكونسيلر

و دى فرشه رفيعه بستخدمها علشان أحط كونسيلر ودى لازم تكون ناعمه ودقيقه لأنها بتتعامل مع مناطق من البشره حساسه جدا ولازم الشعر يكون مستقيم أول ما يبدأ يبعد عن بعضه نرميها ونجيب غيرها

6\13\14- فرشة الحواجب : 

بستخدم 6 لرسم الحواجب أما 13 فأستخدامها قليل بتستخدم لمساواه بودر الحواجب أو اللون بعد الرسم لو طلع تقيل و14 بتستخدم لتمشيط الحواجب وكذلك الرموش

7\8 - فرش الروج : 

بأحجامها المختلفه بستخدمها لرسم الروج أو لتحديده لو هى رفيعه ودى ممتازه للتوزيع و لازم تكون ناعمه و متماسكه علشان متأذيش الشفايف .

11- فرشه المروحه : 

و دى بستخدمها لوضع التاتشات النهائيه للمكياج أو بمعنى أصح للتنضيف ومساواه الميك أب مثلا لو حاطه بودر كتير بشيل الزياده بيها أو أحط بيها جليتر ودى بتكون ناعمه جدا كأنها حرير

و هى بتيجى بحجمين الكبيره للوش كله الصغيره للمناطق الدقيقه زى حول العين أو فى كورنر الأنف

9\10- فرشه الأيلاينر : 

بيكون شعرها قصير و ناشف نوعا ما و متماسك

12- فرشه الأى شادو : 

واضحه منم أسمها بستخدمها لوضع أى شادو

8- فرشه الكحل : 

أستخدام أخر للفرشه رقم 8 هى لوضع المحل لو بودر أو وضح جليتر على زوايا العين

دى أغلب الفرش الى بنستخدمها 

طب أزاى أعرف أن نوع الفرشه دا كويس وأنها أصليه؟؟

الأصلى بيكون شعره ناعم ولو شدتيه مبيطلعش معاكى بسهوله ولو تنيتى الشعرايه بترجع لأصلها مبيبنش فيها كسره أما التقليد فبيكون بلاستيك وبيجرح البشره لو تنيتيه بتحسى أن الشعر خشنة على البشره ..