بالصور 4 افكار لترتيب المكتب , افكار للبيت

مشكلتنا طول الوقت فى مكتب البيت او حتى الشغل الاقلام
اللى فى كل مكان و الاوراق الملخبطة, جربى النهاردة 4 افكار لاستغلال الورق القديم
 و زجاجات الشامبو علشان تعملى منها مقلمة ما حصلتش
 و تعيدى ترتيب المكتب بشكل منظم جدا و مودرن

1. ممكن من الورق المقوى للخرايط القديمة تتقص و تتلزق بالدبل فيس

على علبه لبن قديمة بعد ما تتغسل و تبقى اجمد مقلمة

مقلمة من الورق القديم, افكار لترتيب المكتب بالصور

2. علبة الصلصلة القديمة ما ترميهاش و اعسليها و ساوى الحواف بتاعتها لو مجرحة 

و بالتريكو اعملى جراب على نفس المقاس, هتبقى مقلمة عملية و شيك 😃

مقلمة من التريكو على بكر المناديل, افكار لترتيب المكتب بالصور

3. نفس الشيىء فى علب الشامبو القديمة تقدرى تتجددى فيها زى ما تحبى

او تكتفى بقصها و لزق رسوم تعبيريه عليها من برة .

مقلمة من علب الشامبو, افكار لترتيب المكتب بالصور

4. علب الانانس برضو و اى معلبات بكل احجامها تقدرى تجمليها بالخرز 

هيبقى شكلها حاجة تانية خالص

مقلمة من الخرز, افكار لترتيب المكتب بالصور

الافكار مالهاش نهاية المهم ما ترميش اى حاجة و جربى 

و ما تنسيش تكتبى لى رأيك فى التعليقات